Kanogon
Daryl Faderogaya Famisaran
E-mail: dffamisaran@yahoo.com
miski hariing boho ako nayayaag,
miski pa sa yudo't kalibutan,
inding gador masikwil ling ak rila,
nak kag at' bisaya'y malimutan.
ni-o mang lingwahi kag ak masapoy,
ay nato ton-an ra't marali yang,
pero indi kinag saliborbor sa ak rila,
nak kag at' bisaya'y malimutan.
kung ako'y nabakasyon sa ato,
ay ako'y napapa ruhong,
dahil kag ato mga pusgo,
ay tagalogey kag sugrong.
imaw ra kag mga maguyang,
nag yuyuber nang rela't tinagalog,
asing indig sabto't inodiongan,
kaling ato mga budog?
pati kag ato mga hali sa bukir,
kung mag os-os sa banwa,
abe nato ay taga manila,
ay sos! na tagalog ra.
nag ngongot-ngot kag ak roghan,
kalilisor ra'g marasmason,
nak osang adlaw kung ako'y mag pauli,
ay wagitey kag odionganon.
KANOGON!
romblon pa kina aboy,
kung wagitey kag at' bisaya?
buko baga kahuhuda,
nak gur-an kita ninra?
inunhan, baraywan, matan karan!
romblomanon, sibuyanon, chad ina!
bantoanon, odionganon, asi doy!
palanggaon nato kag at' sariling rila.
masasalbar pa ra siguro nato,
kung kita'y mag binuligay,
matatadlong pa ra kag mga anak nato,
kung kita'y mag tuna ray.
__________
Editor's Note:
Daryl, 45, is a native of Dapawan, Odiongan, Romblon. He writes from
Mindanao. He accidentally passed by Sanrokan News Magazine while
tinkering with his computer. Read his letter to the editor. |
