|
Arado o Libro (Ini)
Onyong
Magtanum, mag-arado, magligis,
magsuyod, magpilapil, mananggot kag mabunit. Kung puwede dugangan ang 24
oras, himuon nya para maukupahan ang tanan. Galupak ang karabaw, pero si
tatang maabtik gihapon.
Sa iya painu-ino, kung magduyog, papaano
makatapos ang pinalanggang puto nga onga? Nagbahoy siya nga waya gid
makita ang hitsura ng iya mga maguyang. Nabugtuan ginhawa ang nanay ng
siya hay nagguwa sa kalibutan. Sa sobrang kalangkag, nagbinayong ang
tatay, nagmasakit kag naghunat bayon ang pag-uyok-uyok ng inda lapsag.
Naigoy ang pagbahoy kay gin ulipon ng
iya mga hali. Imbes nga mag-eskwela-ginapaarado, ginapatanum kag
ginaparigaton ning isda sa banwa. Waya katakod, nagpamakayan sa
mamumukot hasta napadpad sa Mindoro.
Nagsoltero hasta makapag-asawa.
Nang magkagiyera, naging suluguon ng mga
Kano. Kay mahugod kag mabuot gin-agda nga magpa-Amerika. Sa kahadlok
magsakay sa eroplano, pinili nya nga magpabilin sa iya pamilya. "You
will never have this rare opportunity in your life!" hambay ng slang
nga US Officer.
Sa niyan, establisado na ang iya mga
kaongaan.
Naghigad ang mga tuig, indi siya makapati
nga may magkup-kop sa iya nga hali nga nagatuyo ang tuha sa kalipay.
"Kahuga gid waya'y natapos! Waya'y maguyang!
Ang panambiton si Tatang kung "closing" nga nagasaka sa entablado para
magtakod ribbon sa iya onga,
Bukon katitingaya ang pagiging istrikto ni
Tatang sa mga onga pero bukon sa apo! Ginaapinan niya ini kung
ginabuwayan.
Tuyo na katuig ang nagligad pero prisko pa
gid ang iya mga handumanan.
Sayod ang iya kaongaan, malipay siya sa
ikaduha nga kinabuhi kay napamatuuran ang iya pirme sermon: mas malupos
ang gaarado, galigis kag magsuyod kaysa maglibro nga may kaibahan nga
bolpen. |
