Home l News l Op-Eds l Features l Literary l Lighter Side l Letters l Search l About Us l Guestbook          Feb - March 2006

   

         
 

Verses 1001

Verses 1002

His Blood Most Precious

Sugal ng Buhay

Kanogon

Sarawayon

Read Preface to the Compilation
Download Participant's Profile

POEMS

Onhan: Sa Diin Kaw Kadya?

Asi: Asin, Tubi, Buay ag Tudlo

Ini: Ang Gulong Kag Tawo

FEATURES

Onhan: Parola

Asi: Bagulayag

Ini: Arado o Libro

SHORT STORIES

Onhan: Ang Ginto nga Pangsulat

Asi: Sa Ruhang Maggi ag Osang Itlog

Ini: Itsura, Salamin ng Pagkatawo

 

Ang Ginto nga Pangsulat (Onhan)

Joelle Erika Fernando

 

Si Juan ay isyang onga lang Aling Marta. Napatay lagi ang anang tatay kang unga pa lang maw kaya anang nanay lang ang nagpabahol sa ana kaibahan ang anang lolo, si Lolo Ambo. Napatay man lagi ang anang lolo dalwang tuig lang ang nag-agi.

 

Si Juan hay sa greyd por lon kag nadiskubre nanan nga may kahinaan maw sa ispeling.

 

Isang adiaw nagkainggwa it test ang klase anday Juan sa ispeling. Hirap maw dahil buroy gani maw sa ispeling. Lagat-lagat, gintawag maw it anang maistro.

"Juan madali anay gani'" hambal it titser. Tan-awa lang imong test, uwa gid timo it tama, kung mana kaw nga mana ay ibagsak gid tikaw."

 

"Sori sir." Hambal ni Juan. "Mayadan lamang nakon sa sunod."

 

Nagpanaw ron si Juan pauli sa andang balay dala ang test nga kanaba-naba ang grado. Pag-abot nana gintao nana ang test sa nanay nana.

 

"Nay oh. Test namon ran sa ispeling,'' dawat ni Juan it test peyper. Ginbuksan it nanay ang papel kag nakita nana ang grado ni Juan.

 

"Grrrr...Juan ano ruman nga klase nga grado ya," pahangit nga hambal it nanay. "Anong klase timo nga unga, abang kaburoy ron gid nimo. Maski ispeling it kuding kag ayam indi pa nimo usyan. Kanin-o man timo nagmana man? Siguro sa tatay nimo nga musdok ron no?" hambal it anang nanay.

 

"Grabe timo nay man, patay ron gani ang tawo gina-sura pa nimo.' Hambal man ni Juan.

 

"Anong grabe man," sabat it nanay. "Pagsaka to sa babaw, pag-aral kag ayaw magguwa-guwa. Ayaw magtan-aw it TV ha, kag ayaw pag gamit-gamita ang telepono ha agud masudlan man ang imong utak!" dugang pa ni nanay.

 

Hangit nga nagsaka sa anang kwarto si Juan. Lagat-lagat naisipan nana nga mag-ayan sa bodega it anang lolo nga puno it mga gamit.

 

"Kaalikabok man," reklamo ni Juan.

 

Lagat-lagat nakakita maw it isang puti nga kaban nga isot nga may nakabutang nga pangalan nga SIPAL. Napaisip si Juan kung ano bala ang sulod it kaban kaya ginbuksan gid nana.

 

"Abaw kanami man nga lapis," hambal nana. "Inggwa man gali kaya si lolo. Tistingan gani nakon kag sabon ma-bright man ko kaya," hambal nana sa anang sarili.

 

Nagsaka gani maw sa ibabaw kag gintistengan nana ang lapis.

 

"Ano bala ang nami nga sulatan?" pamangkot nana sa anang sarili.

 

Ginsulat nana ang  "chair" kag gintan-aw nana sa diksyunari sa anang binit. "Wow, tama akong ispeling" hambal ni Juan. "Siguro gapa-bright man gid ya," dugang pa nana.

 

Isang adlaw nagkainggwa sanda it test sa ispeling kag tama pa tana ang anang sabat. Pag-uli nana sa balay ginpakita lagi nana sa anang nanay nga taas anang nabuol nga grado.

 

"Abaw, taas imong nabuol a," hambal it anang nanav. "Kung mana nga mana hay di nami gid."

 

Nagpadayon ang pagbuol ni Juan it taas nga grado hanggang sa naubos ron ang tinta it bolpen.

 

"Ay aroy, ano akong ubrahon in-aga," hambal nana. "Bahala ron gani."

 

Ginakulbaan si Juan paayan sa eskwelahan dahil gani may test ruman sanda sa ispeling. "0 Ginoo, buligi man ako," hutik ni Juan.

 

Pagkatapos it test ginpatawag maw it andang titser. Ginakulbaan gid talaga maw. "Basi sir?" pamangkot nana. "Taas ruman imong buol kaya, tama tanan imong sabat" hambal it titser.

 

Lipay gid nga nag-uli si Juan kag nadiskubre nana nga bukon ang lapis it anang lolo ang nagpamayad sa ana sa ispeling kundi anang sarili. Ginbuligan lang maw it lapis ngato agud madiskubre nana nga mayad maw.

 
         
 About Romblon l Join Romblon List l Contact Us l Advertise With Us l Links l Feedback l Archives          


2002 - 2006  Sanrokan News Magazine is a publication of RDL-CLEAR (USA/Philippines) Romblon Discussion
List - Cultural, Livelihood & Educational Assistance for Romblon. All Rights Reserved

Disclaimer: The articles featured in this site are those of the authors and do not necessarily
reflect the opinions and views of editorial board of Sanrokan News Magazine or RDL-CLEAR.