The workshop was an abbreviated event on a planned 3-day activity
dwelling on the three languages of Romblon: Romblomanon, Unhan and
Asi. Typhoon Cheding and subsequent inclement weather prevented would
be participants from other islands to gather in Banton island. As
a result and for practical purposes, only a one-day critique of asi
poetry was held with Ish Fabicon as the lone panelist. Contemporary
Asi poetry were sampled and discussed limiting its thrust on the three
voices of poetry: "the voice of the poet talking to himself -
or to nobody; the voice of the poet addressing an audience, whether
large or small intended to amuse or instruct, poetry that tells a
story, poetry that preaches or points a moral and lastly, the voice
of the poet when he attempts to create a dramatic character speaking
in verse."
The participants wrote these representative asi poems under talisay
trees, on the beach along the municipal social hall or whatever place
they could find - in two hours. Then went back in the session hall
for critique.
Later, the Banton Writers' Club (tentative name) was organized. The
following officers were elected: President: Mrs. Virgie Fesariton;
Vice-President: Mrs Elenil Fabregar; Secretary: Ms. Anabel Fadriquela;
Treasurer: Mrs Jocylen Ferrera; PROs: Mrs. Noa Fababeir, Lydia Fadriquela,
Shirley Morada, Vilma Famarin and Viv-Vic Fonte
Waya Ngayan (Untitled)
ni: Shirley Morada
Nopay kilat
Pagkatulin, pagkahadag
Sa nakraan nawawagit,
Nalipas!
Pangintrimis nak higugma
Hali it tahapon
Ngasing, wayaey
Tapusey!
Yai't resulta
Mababaw nak pagkilaya
Sa matoor nak kahulugan
It pagpalangga! ***
Ruhang tula
ni: Virgie Fesariton
Panahon
Asing tuyar ka?
Pabaydo-baydo ka imo napapatuga.
Mamukyat, mamiha,ag sunran pa
Hapyuson ka tanom; mga isra'y isalta
Mahilakon, mabyakan-on
Tawo'y nagaasa,
Mapintas, mahangiton,
Ging hahanrom!
Hangin
Hudop, hangin hudop!
Sa ako anit nagsasaprok
Inayumahom, inatudom
Hopay pananamgo sa gab-ing maruyom
Hudop hangin, hudop
Hariin ka?
Oya ka naabot!
Ragat, asi?
ni: Vilma Famarin
Mahipos, marilag, makakamangan it hayo
Ni-o ka mensaheng gusto nimong ita-o?
Indi ak masuyop dahil ako'y nalilito.
Nagsapuyan ka inro muyat
Sa senyoritong iwag sa itaas.
Guya ag palakpak sa inro ay nababakas
Problemang irinagsa sa yawor,
Estilong pabali-balikwas!
Kinaaganhan ako ray namasran
Suntok reli, suntok roto ka ako natiiran
Asi ara ni-o ray ka nalilisoran?
Pati oya mo-ang ay ing kakalaban!
Anak
ni: Joycylen Ferrera
Sa pagpuslot nimo sa kalibutan
Perlas ka nak ingaalagaan.
Pagrako nimo, asing nalimutan
Kinang imo ginikanan.
Rako it puyos
ni: Lino Faderogao
Magsuypok sa habig ag magmuni-muni,
Ni-o ka ging huhuyat
Oras yang ay magligar
Hanggang tinungkaag.
Huning pumuka it kali-ong sulipan
Pang saplir sa mu-ok nak isipan
Napapaila kang Mata
Muyatan kuno aber ni-o sida
Kapipilay nak pagtarok sa pagkanyudo
Sa inra nak raan ging himo.
Ging takyusan uli kaling tawo-tawo
Ngasing ay nakita ag naisuyat sa uyo:
Anak nak nagpipiknit it yumboy
Tawong nag-uutongan laban sa gulyasan
Basket nak eng bubudotan it sarinalab
Baguntor nak ing liligiran it lugit
Tingib nak in sisikaan it tatos
Batong narilag pag-abot it pantalan.
Ngasing sa pagsuypok
Seryosong ging papaabot
Ako'y rahan rahan naghangar
Payapang umingkor ay rako't puyos
Payar ay tinabo, uyo'y napayuko!
Yambonero
ni: Lyn Fabregas
Pagutasgutas ka kinbuhi
Ragkong habagat ako inasauli
Sukroy sa suyoksuyok ka ako yawhak,
Ramyog nak lipong ay inapangsuso,
Ragsa sa piliw it bagtasan
Pagkayamig waya kakubitkubit,
Ni-ong saprak ara waya di tatabil
Waya naipaino-ino kag bayong palito,
Nak gamiton it kaling yambonero
Asing nalilibog ka, rahali ako.
Hanra nak mitalangon!
Ako sasapohon ka nak raan
Matinahuron ag matiniison
Pagpauli nimo sa bayay
Paagto nak raan sa altar.
Rahagto ako nak perming nagmamantenir
It imo pamilya nak sambahan Ako
Sa parayan it pag-ayuda
Sa mga tawong waya sarang!
Sauli
ni: Annabelle Fadriquela
Osang gab-ing mahadag ka buyan
Sa habig it ragat,
Ako ing iisip ka paabutong tui-ig:
Osa, ruha, tatlo,ap-at, lima, an-um.
Ka ak nabilang nak habas it bayor.
Pito, wayo, sidam, sampuyo ag nabugto
Ka ako pagrum-rom, dahil ako ay nabasa
It ga-higanting bayor!
Dahil nak mahadag ka buyan,nakita't nayusrok
Ka mga bayor nak nagsasadaw
Nopay tawong nagngingisli
Kung ingwat ikakasuyor sa bitukang nagraragu-ok.
Onse, dose, trese, katorse, kinse, disesais,
Huling mitlang bag-o humalin sa ragat
Asing pagsauli nako ay yabote'y nak tawo
Inde ak maiintendihan kung ako ay nayaag
Dahil it kaga osang gabi, nagtitikang pa ako,
Sa dutang mabato.
Pagsampot nako sa lugar nak kato,
Ako ay natingaya, asing ingga it sanrig na1 nasalida
Samantalang ako ay nakabot yang roto sa lugar
Nak sa bulig it kahoy (nak indi magrayabrayb)
Kung indi gi rugangan it marukot nak rabok.
Disesyete, diseotso, disenuybe, baynte,
Buko-ey habas it bayor ka ing babantayan
Inde-ey makita ka yukot , mabilang pa it buyan o tu-ig man
Sa pagkikinitaan it magkakaamigohan.
Bayne uno,baynte dos osang pananamgo
Kato yake' klaro,
Nak ka kinahangyan it pagmuon-muon
Ay nagtuna sa habig it ragat nak mabayor!
