Monday, August 26, 2002
Front Page
News
Op-Eds
Features
Literary
Lighter Side
Letters
About Us
About Romblon
Search
Links
Join Romblon List
Message Board
Advertise with Us
Contact Us
Feedback
Classified Ads

POETRY
By Arlaine Jayo Obenieta
Entry to the 19th Cornelio Faigao Writers Workshop (April, 2002)


Lima Ka Kondisyon sa Akong Pag-uyon

dawaton nako ang imong kamot

kon andam kang makighimamat sa akong pagkahigmata
kon makighilawas ka sa akong pagkalingkawas
kon motaghoy ka duyog sa akong paghilum-hilom
kon mokalawat ka sa akong pagdumili

matag karon ug unya, ug ugma damlag
kon dili ka mahadlok nga agakon tika
gikan sa imong pagkasaag

Kon Buot Mo Akong Abton

pasagdi na lang ng mga bitoon
kon buot mong angkonon
ang akong langit

igo na kanako ang kangitngit
basta dili ka magbasul-basol
sa imong pag-uwang

sa akong pagtakdol

 
ARLAINE JAYO OBENIETA teaches English and Literature to high school students at St. Theresa's College (STC-Cebu) and moderator of its literary magazine "The Star"; hails from Calamba, Misamis Occidental; just started writing Cebuano poems; married to a bard named Myke; and expecting their first baby in 6 months time!