Pagyanhab ag Pagpalipor
Ni Jaynes Fameronag Flores

Kag adlaw
Kumindat;
kwadan
napahayakhak
Kag rampog
sa tumbo sumadaw;
kwadan
kumiliw-kiliw!

Kag puno
rumagipon;
kwadan
napahidom!
Kag tamsi
Nagporbang yumupar;
kwadan
pumalakpak!

Kag habagat
humudop;
kwadan
humingab ra't rako!
Hastang
rumugos;
kwadan
nak nayumos
napilitang kumaligos!

Puno sa palibor
nagminarako;
kwadan sa duta'y
sige pa ka haro!
Kag adlaw
pumalipor;
kwadan,
sa nagyanhab nak
Buyan, yumuhor!
kwadan
tinunaan kag
orasyon!

Bagyo
nagliboryo;
kwadan
humudot nak raa't
rosaryo!
Sa uli, adlaw
yumuaw;
kwadan
tumigson,
pumanghakay!