NILUPAK SA LUSONG (onhan)
nald

Hal-o nga pambayo
Sa nilupak man o binangto
Hinurma halin sa kahoy
Nga matsa daw kinaluoy

Lusong kang di-buho
Pag may ginabayo'y ginapuno
Hasta nga sa matumok
Agud pag inusang owa't malagtok

Sa daw ano kanami ang maglupak
Saging kag balinghoy nga naga-lagapak
Dugangan pa it niyog nga bangi-on
Hasta pati hal-o dilutan sa kanamiton

Galupak hay daw kabuhi man it tawo
Pag naga bayo dapat ay nasa tiyempo
Dahil kung haras-harason ay ga-apaw
Nga matsa ga-ubra it kinabugaw.

*Nald is Reynald Andres. A Harrow Staff and IBASO officer, his work "Nay, Basi?" was the winning piece in IBA's Hunt for young poets which was also published in a previous issue of Sanrokan.