MIYOG BLOKETE (Ini)
Franco M. Rico

Hoy! Mukyat na kadto sa abuhan
Siro-a kung may gatong pa sa dayhungan
Paapot ning sayong kay maluto utan
Para may bayunon pakadto sa kwarihan.

Bato! Maghuslo ka sa buho mo,
Gahuyat ang martilyo, sinsil kag maso,
Dasiga kag tumibong sa bareta
Kay nagahuyat, upat nga gulong sa karsada.

Aroy! Tudlo ko ay iningkit
Ugsungan ang kunya kay kasakit-sakit,
Paum-uma ang bareta igo lang sa baba
Butangi sangkil, sinsil na mahaba.

Tamid-oy magpalayo ka diri
Kaon anay balinghoy, ube kag kamote,
Baya-e maisog na tubi sa bote
Maayo pa hay tuba tangway kay kumpare.

*Franco studies at RSC Sawang Campus in Romblon. This is his output during the workshop.