2 Onhan Poems
By Fabian

Photo: Milex Fabula                     Linawan, San Andres, Romblon

ANG KANIPAAN

Pagbugtaw sa aga
daw bulawan ang silak it adlaw
nga nagatama sa panit
nga ginpadamol it tinu-ig nga pagpangisda
ag pag-arado.

Sa liwat ang baroto
nagahulat sa sapra nga mga alima
nga maga-od it bugsay
para sa bag-ong adlaw it pagpangita
it pangabuhian...

ya tanan nagtuna
sa suba
sa may kanipaan.

HELPING HAND

Pag owa kaw it mahimo
pag abo it naga-gulo sa imo nga isip...

hinay hinay lang.

Odya kami para magpamati
it imo nga mga huna-huna.

Basi pa kita gin-onga sa isang banwa
kung indi kita magbinuligan
ag magtunga it mga kalipayan
nga aton nababaton?

Odya kami sa imong binit...

Kasimanwa!

* Fabian is from San Andres, Romblon.