Iwag
Romblomanon Poem
Ni: Marlo M. Magracia

Sa oras ning kaduyom
Kinahangyan mo ang
Kahayag na naghalin
Sa isa nga iwag.

Sa panahon nga ikaw
Nagapangalibo sa problema
Huna-huna'y nagakinahangyan
Ning isa ka...iwag.

Sa pang-orasyon nga
Kabuhi mo hay nagtayang
Ning dayan nga gina-aghan
Mata hay imukyat... usuya ang
iwag.

Sa pag-iskwela mo
Leksyon ng maestro kag maestro
tanom sa puso kag tagipusuon
Kay isa ini ka iwag.

Kabuhi ning tawo
Diri sa kalibutan
May kaduyom kag kahayag
Pareho sa isa ka iwag.

Gani indi pagpabay-i
Ang imo kabuhi nga
Magkadto sa kalainon
Pareho sing payong nga iwag